My Flight With You by Cory Khong

CHAPTER 18

"Hoy! Bakit ang lalim ng iniisip mo?" untag ni Rica sa kanya habang pinapaikot-ikot nito ang cellphone niya sa kanyang mesa sa opisina.

"Wala naman. Two days na kasing tahimik si Ken eh. Minsan na lang nagri-reply sa mga text ko at di na rin tumatawag." she sounds so worried. For the weeks na naging sila ni Ken ay araw-araw siyang masaya, silang masaya. Si Ken ang naging alarm clock niya sa araw-araw na ginawa ng Diyos simula ng maging sila, at exactly 6:30 a.m ay tumatawag ito to wake her up.

"Good Morning sleepy head!"

"Good Morning, Cupcake! Magkape ka na para mainitan 'yang sikmura mo."

"I love you, time to face the world with a smile!"

Yan ang mga salitang bumubungad sa bawat umagang nagigising siya.

Pero ngayon bigla itong nagbago, 2 days ng tahimik ang lalaki.

"Baka busy lang, alam mo namang pinapaasikaso sa kanya ng lola niya 

'yong Rambutan Farm nila 'di ba?" sagot ni Rica dito.

"Pero---"

"Sira ulo ka talaga kahit kailan. Di ka pa ba natuto doon sa una?" pukaw na tanong ni Rica sa kanya. Di niya masisisi si Rica.

"Huwag mo na ngang mabanggit-banggit yang nakaraan. Tapos na'yon." ang malungkot nitong sagot.

"Nakakaumay din ang relasyong araw-araw, oras-oras, minu-minuto kayong nag-uusap, Insan. Hayaan mong minsang di muna kayo magkita at mag-usap. Minsan magpa-miss din naman kayo sa isa't-isa." ang payo ni Rica dito.

"Eh ikaw? Kailan ba kayo huling nag-usap ni Jomar?" balik tanong nito kay Rica.

"Kani-kanina lang."

"Kita mo na? Eh anong ginagawa mo kapag di ka tinatawagan ni Jomar sa isang araw?" tanong niya ulit. Natahimik naman ang kanyang pinsan at nilagay ang Index finger nito sa kanyang sintido at nagkunwaring nag-iisip.

"Hihihi. Tinatapon ko ang cellphone ko. Hehehe!" pangiti-ngiti nitong sagot. At tinapunan ito ni Jen ng isang box ng tissue.

"Walanju!" natatawang turan nito.

*************

Hindi niya sinabi kay Jenny ang tungkol sa pag-ayaw ng kanyang mga magulang sa relasyon nila ng dalaga because he will never give-up Jen. 

'Yan ang matapang niyang desisyon kahit itakwil man siya ng kanyang mga magulang.

Hindi naman ito maitatago but for now susuluhin na muna niya ang Worries. Ayaw niyang makita si Jen na nag-aalala. Bago pa lang na naging sila at ayaw niyang maputol ang mga maliligayang araw nila.

Ilang araw ng magulo ang utak niya. At ilang araw na rin niyang di masyadong nakakausap ang dalaga. He's too busy and worried. Magulo ang utak niya mga bagay-bagay. Para siyang naghahabol sa oras. But he had already made a plan and that should be done, NO MATTER WHAT.

Kailangan niyang ma-Secure lahat ng requirements para sa plano niya.

At ang kinatatakutan niya ay ang pagharang ng kanyang ama.

*****

"Cupcake, pwedeng sa inyo ako matutulog tonight?" nagulat si Jen sa tinanong ng katipan. Naki-miss niya ang lalaki but she didn't expect that Ken would ask that.

"Ha? Ma-tu-tulog sa bahay? Bakit? Wala naman akong sakit ah?" naibulalas niyang tanong dito. Isang beses nang natulog si Ken sa kanila noong panahon na nagkasakit siya dahil sa pagkatumba niya sa bike. She loves Ken wala nang question doon. Pero ang ipinagtataka niya ay bakit ito nanghihingi ng permisong matulog sa kanila.

"Anong nakain mo at matutulog ka sa bahay?" tanong niya ulit dito.

"Gusto ko lang makipag-bonding ng husto sa pamilya mo. If it's okay with you." Gusto ni Ken na makausap ng masinsinan ang mga magulang ni Jen. 'There are many things to be discuss' he thought.

Pumayag na rin si Jen dahil gusto din niyang makausap ng masinsinan ang lalaki. Napapansin na kasi niya na parang may itinatago ito sa kanya.

SA BAHAY NG MGA AGREDA:

"Magluluto muna ako ng dinner, Sugar ha?" pamamaalam ng dalaga kay Ken nasa isang bahay-kubo sila sa likurang bahagi ng bahay nina Jen. Ito ang Kubo na pahingahan nilang mag-anak kapag tanghali.

"Tutulungan na kita, Cupcake."

"No. Just stay with Mama and Papa. Gusto mong makipag-bonding sa kanila di ba?" he's too lucky ang nasasaisip niya. Tinutulungan siya ng pagkakataon.

"Uncle, Auntie. I really love, Jen---" pag-uumpisa niya habang kinakabahan at namamawis ang mga palad. Tahimik lamang ang mga magulang ni Jen na nakatuon ang atensiyon at naghihintay ng kanyang sasabihin.

"and I wan't to---- marry her." pagpapatuloy nito.

"Seryoso ka ba diyan sa nararamdaman mo anak?" si Mang Elpidio na kinikilatis pa rin ang lalaki.

"Yes, Uncle. Ayaw ko nang pakawalan si Jen. Siya ang nakatadhana sa akin." turan niya.

"Paano kung di ikaw ang nakatadhana sa kanya?" singit naman ng ina ni Jen.

"Ano ka ba Pasing." saway ni Mang Elpidio sa asawa. May biglang kumurot sa puso ni Ken nang narinig ang sabi ng ina ni Jen. 'Paano nga kung hindi ako ang nakatadhana sa kanya?' tanong ng kanyang isipan. Minsan di niya maiwasan ang mag-isip ng negatibong bagay.

"Ang akin lang naman ay baka nabibigla ka lang. Ilang linggo pa lang kayo ng anak ko." si Aling Pasing.

"Mahal po namin ang isa't-isa Auntie at handa po akong ipaglaban ang anak niyo kahit sa mga magulang ko, ganyan ko siya kamahal." madamdaming turan nito na ikinatingin sa kanya ni Mang Elpidio na nagtataka.

"Anong ibig mong sabihin?"

"Pasing, tulungan mo muna si Jenny sa loob. Usapang lalaki sa lalaki 'to." pagtataboy ni Mang Elpidio sa asawa. Nararamdaman niyang may kakaibang gustong ipahiwatig ang nobyo ng anak.

Ikinuwento naman ni Ken sa matanda ang tungkol sa pagtutol ng magulang niya sa relasyon nila ni Jen.

At first, nahirapan siyang kumbensihin ang matanda but he keeps on arguing with Mang Elpidio at ang kinalabasan napahanga pa ang matanda sa pagmamahal ng niya kay Jen.

At nangako pa itong tutulong kung malinis at tunay ang hangarin niya sa anak nito.

"Oh Ma. Bakit ka pumasok? Ako. dito, kaya ko na ang kusina. Doon ka na lang kina Papa." sabi ni Jen nang pumasok ang kanyang ina sa kusina.

"Tutulungan na lang kita, usapang lalaki sa lalaki ang nandun eh. Hayaan muna natin 'yong dalawa." si Aling Pasing saka lumapit kay Jen at 

tinulungan ito sa pagluluto.

"Lalaki sa lalaki talaga ah." si Jen na napataas ang kilay at ipinagpatuloy ang ginagawa.

Nakahanda na ang dinner. Kumpleto ang pamilya ni Jen maliban lamang kay Rica na nasa Davao para sa isang Conference.

"Ang sarap mo palang magluto, Cupcake." papuri ni Ken habang ninanamnam ang Crispy Pata na luto ng nobya. Sarap na sarap siya sa pagkagat ng malutong na pata. At tawa ng tawa si Denise sa kanya dahil sa facial expression nito habang kumakain.

"Credits for my mom" si Jen.

"Oh really? Thank you, Auntie."

Isang larawan ng masayang pamilya ang masisilayan sa kusina ng mga Agreda. Masaya si Ken na pinapanuod ang mag-anak. He missed his own family kahit tahimik ang kanilang tahanan sa German dahil nag-iisang anak lang siya ay masaya pa rin sila.

Biglang napalis ang ngiti sa kanyang mga labi ng biglang maalala ang kanyang mga magulang.

He decided to tell Jen about it. Ayaw niyang magtago sa nobya. Alam niyang masasaktan ito pero mas masaktan ito kung itago niya at sa iba pa malaman ni Jen.

May inuumpisahan na siyang plano but what if? 'Aaaahhh!' pag-aalala ng kanyang utak.

Ano kaya ang magiging reaksiyon ni Jen kapag nalaman niya ang pagtutol ng pamilya ni Ken sa relasyon nila?

CHAPTER 19