My Flight With You by Cory Khong

CHAPTER 27

"SAAN ang plato ng kuya mo?" Galit na tanong nito kay Denise nang isang umagang di nakita ang plato sa pwestong kinakainan ni Ken. Sa sobrang pag-aalala ng pamilya ni Jenny ay tumira ang mga ito sa bahay nila ni Ken, ayaw niya kasing umalis sa bahay para man lang makalimot. Ayaw niyang iwan ito dahil baka dumating si Ken at wala siya.

"Ate, tatlong buwan ng wala si Kuya. Tanggalin na natin ang plato niya" si Denise na maluha-luha.

"Sampung taon man ang lumipas, maghihintay ako sa pagbabalik niya. Kaya huwag mong tanggalin ang plato niya" humihikbing turan ni Jen.

"Ate, kung sakali ngang babalik siya sa tingin mo matutuwa 'yon sa itsura mo? Ayusin mo ang sarili mo. Magpalakas ka" pangaral ng kapatid niya sa kanya na ikinatahimik niya saka umalis si Denise na humuhikbi.

"Anak. Tama ang kapatid mo. Tingnan mo ang sarili mo, anak. Nangangayayat ka na dahil sa kakaiyak at pagmumukmok. Hindi lang si Ken ang nagmamahal sa'yo, nandito pa kami Jenny" ang pag-aalo sa kanya ni Aling Pasing na kanyang ina.

"Ang sakit-sakit, Ma."

"Naiintindihan kita, Jenny. Pero 'wag mong pabayaan ang sarili mo. Hindi lang ikaw ang nasasaktan, mas nasasaktan kami sa kalagayan mo anak."

Sa duyan ang kanyang pahingahan, ang duyan na maraming masasayang alaala nila ni Ken ang naiwan. Umaga, tanghali, gabi doon niya tinatapos ang araw niya. Tatlong buwan na ganyan ang ginagawa niya. Wala ring magawa si Rica, iniintindi na lang niya ito at di pinapabayaan.

She's always there lighten up her day kahit na nagsasalita siyang kaharap ay parang tuod pero di siya napapagod. At hindi din pinabayaan ni Rica ang Kiddie Captcha'ng pagmamay-ari ni Jenny.

Minsan na rin silang nag-away ni Jomar dahil nawawalan na siya ng oras sa katipan, she's still in Print Media and she also manage Jen's business at ang pangangalaga pa niya kay Jen.

Malaki ang utang na loob niya sa pamilya ni Jen at ngayong dumadaan sa paghihirap ang pinsan niya ay ipinangako niyang di niya ito pababayaan.

Kung alam lang niyang ganito ang madadatnan niya sa buhay pag-ibig ni Jenny sa piling ni Ken ay di na sana niya tinulungan si Jomar na pagtagpuin ang dalawa.

Wala ding nagagawa si Jomar dahil kahit siya nahihirapan ding makausap si Kenneth. Guilty siya sa mga nangyayari.

"Sugarrrr!!!! Ibaba mo ako! Hahaha!"

"Hahahaha! That's what you get from fooling me!"

"Tama na please! Promise, I will not do that again!"

Her tears keeps on falling. Nabibingi siya sa kulitan at tawanan ng asawa. She forgot herself. Ni di na siya nakakapagsuklay. Ang kanyang kapatid na si Denise ang nagsusuklay sa kanya habang nilalaro nito ang humaba na niyang buhok, pero nasaktan niya ang kapatid. Unang beses niyang nasigawan si Denise at mas lalo pa siyang lumulubog sa kalungkutan.

Anong dapat niyang gawin ngayon? Nahihirapan siyang magmove-on.

Papunta sana siya sa kusina para kumuha ng isang baso ng tubig ngunit bigla na lang siyang nanghina at di na niya alam ang sumunod na nangyari.

"Alam mo bang buntis ka, Jenny?" maluha-luhang tanong ni Rica sa kanya when she woke-up. Nasa malapit na Health Center dinala ng mga ito ng matagpuan siyang walang malay sa sahig.

"Oh God!"

Sunod-sunod na pumatak ang kanyang mga luha. Nakalimutan niya ang bata sa kanyang sinapupunan.

"Alam mo bang mahina ang pintig ng puso ng bata? At delikado ang kalagayan niya kung mananatili kang ganyan! JENNY! Magpakalakas ka dahil sa anak mo!" galit si Rica! Galit siya dahil di man lang nila alam ang tunay na kalagayan ni Jenny. Buntis pala ito pero di man lang nila ito napansin.

Yakap-yakap lang siya ng ina habang walang tigil sa paghagulgol sa iyak ganun din si Rica at Aling Pasing.

"Mag-umpisa kang muli, anak. Tutulungan ka namin ng Papa mo, ni Denise, ni Rica para sa magiging anak mo" ang turan ng nag-aalalang ina.

"Ang bata ang naging bunga ng pagmamahalan niyo ni Ken at huwag kang mag-alala anak, siya ang tanging kayamanan mo. Malay mo siya ang maging tulay sa pagbabalik ni Ken" ang pahayag ni Mang Elpidio sa anak. Minsan lang nakikialam ang ama niya sa kanyang buhay. Tahimik na tao si Mang Elpidio ngunit noong panahong nakita niyang lugmok na sa kalungkutan ang anak ay di ito nagpabaya. Halos araw-araw nito pinupuntahan ang bahay ng mga Crisostomo para magkaliwanagan sa tunay na nangyari sa pagitan nina Jen at Ken pero wala ding nagawa ang mga Crisostomo. Wala na rin silang kontak kay Angela na ina ni Kenneth.

Napagtanto niya ang kabaliwan niya. She's always wrong in choosing the right man for her. She always give her heart easily at buong-buo pa. 

Matagal siyang naka-recover sa panloloko sa kanya ni Sam ngayon naman ang pag-iwan sa kanya ni Ken ng di inaasahan at ang masama pa nito, she will become a mother without a father beside them.

Di siya nawawalan ng pag-asa that Ken will come back at tama nga si Denise, dapat alagaan niya ang kanyang sarili para sa pagbalik ni Ken and for their baby.

CHAPTER 28